م

الأحد، 24 أكتوبر، 2010

Churros ♥

سلام حبوبات وعسلات المتابعين مدونتي بتعليقات هنا او بره
او حتى بصمت،، اتمنى تخرجو من دا الصمت عشان اشوف ارائكم عن كتاباتي =)

امس وانا قاعده اشتهيييييت حلى،،، وقعدت افكر وماعرفت ايش اسوي
فرحت بسرعه سويت جيلي-- بس طبعا الجيلو ياخذ وقت عشان يجمد

فرجعت افكر وادور في النت وافكر وحسسسست ... افتكرت في النهايه اني كنت باتفرج على فتافيت وشفتهم بيسوو تشوروز بس عالنهاية وتذكرت اني جربته في الرياض ودخت على طعمه
عيبه الوحيد القلي!! وانا اكررره القلي واي شي ينقلي وزحمة الزيت

المهم اني اشتهيتو وقلت اسويه وبدأت ادور على طريقه في النت... ولقيت هذي وبدأت التجربه

الطريقه مرره سهله بس انا حست في حاجتين
١- بما اني ما احب القلي ابدا ،،، ماعرفت للزيت وحرارته في البدايه كان كويس وبعدين سخن وصار يحرق التشوروز واضطريت انتظر وقت لين تتخفض درجة الحراره
٢- ماعندي كيس حلواني عدل وابن حلال،، تعـــــذبت في هذي النقطه مررررررررره قسما بالله شي ينرفز واشتهيت اروح الرياض عشان الناس مدحولي اغراض محل وقلت اروحه بس ماسنحت الفرصه وقت مارحت عشان الولاده

المهم.... بعد عذاب ضبطت حبتين بس !!! والباقي انحرق ههههههههه

 ورحت بالحبتين لابو لتين هههههه شكلي يضحك المهم،،، واكلنا كل واحد حبه وانا اتقاسمت حبتي مع لتين! وعجبه طعمه مررررره
قلت له اقوم اسوي ثاني؟ قال مو لازم قلت يلا قول لي قومي عشان اتحمس
ورجعت دخلت المطبخ ودبلت المقدار عشان لو انحرق مايخلص بسرعه

 والحمدلله عدى المشروع اهون من الي قبله مع ان علبة الحلواني انكسرت ههههههههه واتهلكت وانا احاول اطلعها زي ما ابغا بس في النهايه النتيجه شرفتني وعجبتناااا وكلنا اكلنااا بالعافيه

وهذا الي طلع معايا


وربي النكهه جداً مميزه و القرمشه الموجوده شي يدوخ ،،،
وان شالله اعيد اسويه بس بعد مده طويله لاني زي ماقلت ما احب القلي =)


الأحد، 17 أكتوبر، 2010

Cupcake Key Cozy

سلاموووو حلوييين


انخدش الايفون الفين مره.. وانخدشت المرايا وعلبة الميك اب .... كل هذولي بشنطتي،،،

والسبب!!!! مفاتيييييحي


بما اني اعشق شي اسمه كب كيك

حاولت اسوي شي كب كيك بس مايتعلق بالمطبخ.. جبت خيووطي حبايب قلبي


وبدأت،،، =)

الباترون من راسي
وهذا الي طلع معايا



طبعا المشروع هو.. بيت للمفاتيح على شكل كب كيك 






وهنا كمان





ناسبني كثييير وقررت احطه مع الخطه التجاريه حقتي

يعني ابيعه للي يبغا لاني حسيته اكوت شي في العالم

راح احاول اسوي اشكال تانيه كمان واشوف ايش يطلع معاياااا واوريكم


فتكو بعافيه

الجمعة، 15 أكتوبر، 2010

Unisex Baby Ripple Blanket

سلاااام


من زمان ماكتبت في المدونة

انشغلت في البيت وساير اليوم يمر زي الهوا،،،

سويت لي دولاب لهواياتي
وانا ارتب كرتون الكروشيه لقيت بطانيه بدأت فيها السنه الماضيه

وتحمســـت اكملها
وبدأت

خلال اسبوع خلصتها.....وماصورتها الا اليوم،،

ان شالله تعجبكم:


بطانيه تنفع للبنت والولد بغرزه الripple أو Zigzig

















وان شالله استخدمه في الشتا لتوته بالصحه والعافيه
Related Posts Plugin for WordPress, Blogger...