م

الجمعة، 3 سبتمبر، 2010

فستان مولـــــودة ~ كروشيه

السلام عليكم،،،

هذي اول مدونه ليا عن الكروشيه.... ويتكلم عن اول مشرووع اعتبره نوعاً ما كبير انجزه وانبسط من النتيجه،،، لاني كنت دايما اخاف من الاشياء الي تطول.. عشان ما اطفش منها.. بس شفت ورشه في موقع وقلت خليني ابدأ اسويه مدام اني جيت الرياض ولا شغله ولا مشغله.. وبدأت رحلة البحث عن خيوط بما اني تركت كل خيووووطي في ينبع.....
مشكلتي مايعجبني اي شي .. قعدت ٤ ايام اجرب انوووووواع الخيوط الين ما استقريت على واحد وبدأت الشغل .. في المحل مالقيت الا بكرتين،، سألته وقال لي راح اجيب لك بعد يومين... فبدأت الشغل على طول...

زي ماقلت قبل.. قعدت اجرب اكثر من خيط عشاني ابغا الشغل يجي ناعم لو الطفل يلبسه،،، متخيلين اني قعدت اعيد دي السطور ٣ مرات!!!



وبعد مالقيت الشغل وبدأت ....خلصت البكره الاولى هنا:






وسرت اكلم المحل.. ها جبت اللون الابيض؟ يقول لا!! ٣ ايام وانا مابغا ابدأ بالبكره الثانيه وفجأه اوقف شغل بسبب مافي خيط لانو تحطيييييييم من جد... بعدها بيومين ماما الله يخليها لقت الخيط وجابت لي الناقص والي متوقع يكفي العمل كله،،،،
وبدأت اكمل وكانت هذي البكره الثانيه:


بعدها بدأت اشد حيلي وكنت انسى حتى اصور،،، ووقتها بدأت جلطه رجلي،،كنت امد رجولي واقعذ اشتغل بالساعتين والثلاثه ساعات وانا اشوف مسلسل عاللاب توب،،،

كان الكروشيه هو الشي الوحيد الي قدر ينسيني الم رجووولي!! لاني حتى في نومتي ماكنت ارتاح.. لما تجي رجلي على رجلي الثانيه احس انو رجلي محرووووقه ... الحمدلله بس.. حبيبي الكروشيه كان يخليني اتخلص من الشحنات السالبه ومشاعري السلبيه تجاه رجلي وانساها وانا اشتغل...


كان همي الاكبر اني اخلص قبل ولادتي .. واني اخلي الفستان طويل.. يعني باختصار زي فساتين السابع،،، لانو احلى شي عالبيبي الفستان الطويل،،، وطبعا السطور ماكانت قليله فكان لازم اني اشد حيلي مزبووط المزبووط،،، والله ربي سهلها الحمدلله .. كنت دايما ابدأ مشاريع كبيره واوقفها لاني احسها تاخذ وقــــت بس الفستان جا في وقتو.. خصوصا الوحده في التاسع تكره نفسها ومافيها تتحرك فكان شي مسلي من جد


بس تصدقو شي؟؟

ماخلصت الفستان الا بعد ولادتي... قبل الولاده خلصته تقريبا وسويت القبعه،، بعد الولاده كملت الاطراف وعدلت في الكم لانه كان قصير... طبعا بعد الولاده على طول ماكان عندي وقت وكنت متحديه نفسي اخلصه ،،،، وكنت اشتغل بطيء بعد ماشديت حيلي اكيد وبدأت افتح عيوني مع تغير النوم وتعب العمليه واثر الجلطه....


الين يوم السابع حق توتي ،، وانا اشتغل فيه.. كنت مقرره البسها هو... وطبعا لوحده ماخلصت ماما كانت مطلعه لبس تاني احتياط تقول مولازم تلبس فستانك .. وانا مصممه...!! تلبسه ان شالله... بدأت اشطب عليه في المغرب والناس حيجو بعد التراويح... يعني باختصار البنت لبسته وهو دووبووو مخلصصصص!!!! وربي شي يضحك بس في نفس الوقت يعطي شعوور حلووووو ... الحمــــــدلله الي اعطاني القوه اني اخلصه وافرح بشغل يدي .. الحمـــــدلله..


عموما مابغا اكثر كلام هذي صور الفستان


ماشاء الله تبارك الله

اذكور الله حتى لو ماعجبكم..

هو دا الفستان.....




وهنا الصدر من قريب:




هنا القبعه:





وعشان تكون اوضح.... هدي الغرزه من قريب:





واخيــــرا... الفستامن مع القبعه:



ان شالله يكون عجبكم زي ماعجبني =)

وان شالله المره الجايه يكون مشروع احلى

11 التعليقات:

ابو لتين يقول...

تسلم يدينك
ماشاء الله تبارك الله ... جدا حلو ومتقن, تعيشي وتساوي وانتي طيبة وبصحة وعافية.

(الي ما يقول ماشاء الله , يجي له الخازق يخزق عيونه)

hebah12 يقول...

ماشالله تباارك الله .. تسلم يددك واللهي =)
شغل حلو ومتقن .. ماشالله ~
وربي يحفظك =)
أخخخخ تووووف ماشالله ..
<<حأنفرش عارفة لوول
بس من جد ماشالله تبارك الله ... نو كوميينت صرآحة
=)

SAFY يقول...

ماشاء الله تبارك الله

الحمد لله على سلامتك يا عسل

وربي يخلي لك الوردتين

ويرزقك برهم يارب

حنيـــن يقول...

مشكووره الله يسلمك يارب

Amona يقول...

ماشاء الله اتقان الى ابعد الحدود
ربي يخليلك بنوتاتك ويحميهم لك

:)

حنيـــن يقول...

امين يارب
شكرا اموونه

فوفو يقول...

ما شاء الله مررررة حلو تسلم ايدك

بس حبيبتي ممكن سؤال

شو نوع الخيوط اللي استخدمتيها ؟؟؟
وهل الفستان حار على الطفله ولا لأ ؟؟

ما أدري احس اي شغل بالكروشية للاطفال بيكتمهم ^_^

حنيـــن يقول...

هلا بك فوفو

الخيوط نوعها soft feather
وموجوده صورتها في تدويتني حقت الخيوط،،،،
الحيط قطن ١٠٠٪

وماهو حار ابددددا بالعكس مره بارد لانه قطن

شكلك تحسي احساس الحراره لانو الكروشيه بعضه يشتغل بالصوف

نورتي

غير معرف يقول...

مشالله مرررا حلووو وذوووق
بس حابه اعرف ايش البترون الي استخدمتيه للفستااان

حنيـــن يقول...

هلا اختي
انا اتبعت ورشه في منتدى مو باترون للاسف

نورتيني

khawaleee يقول...

رائع ما شاء الله
حمدلله على سلامتك
ومبروك على البنوته

إرسال تعليق

Related Posts Plugin for WordPress, Blogger...