م

الاثنين، 30 أغسطس، 2010

حملي..وتجربتي مع جلطة الساق

صبـــاحكم / مســـائكــم حب

من بداية حملي في تالا وانا حاسه صحتي كانت عال ،، تغذيتي كويسه وكل شي ماشي تمام

باختصار.. ال٧ شهور ونص عدت ع خيــــر بدون اي انفلونزا او التهاب الحمدلله...واتوقع السبب التغذية الصح... كان وحمي سلطه وهالشي ساعدني  =)

بعدها على بداية الثامن رحت لبيت اهلي .. منها اخذ راحه من الوظيفه واشبع نوم قبل البيبي.. ومنها اسوي فحوصات في الرياض لان مستشفيات ينبع سيئه وايام حملي في لتين ما اكتشفو ان عندي سكر حمل ولا عرفت الا باخر التاسع لما جيت الرياض!!
اسبوعين مر الوضع تمام وبعدها جاتني انفلونزا... واه من الانفلونزا،، بس كانت اخف من المرات الي جات بحمل لوتي،، وعدت على خير،، بعدها عزمت وبقوه اني ابدأ اجهز ملابس العيد لي وولوتي بما ان ولادتي قبل رمضان بشويه وماراح يمديني اسوي شي في النفاس،،،ووبدأت اروح يوم للسوق وارتاح يومين،، وهكذا الين اليوم الي رحت فيه يومين ورا بعض السوق ومشيت مشي صححححح!! ( يقولو المشي كويس للحامل)!
قمت اليوم الثاني ساقي شااااده عليا،،، قلت اكيد من مشي امس وقبله لاني ماريحت نفسي،،وحطيت عليها كريم عضلات ونمت
اليوم الي بعده الالم موجود.. وهكذا لمدة اسبوع تقريبا.. الالم يزيد.. ولما احد يلمس الساق كأنها موية نار عليها ( محروقه)
وسارت كل يوم تتنفخ اكثر واكثر،، كأنها بلوونه ... وسارت في بقعه حمرا كبيـــــرة في الساق على جنب.. وانا اقول هذا من الحمل اكيد..يوم احط مرهم عضلات ويوم فكس ويوم ابوفاس ههههه ،،، على بالي حيروح .. لكن الالم يزيد

وفوق هذا كله كنت باكمل اروح السوق احسب الموضوع عاااادي!!! واخر يوم كنت قاعده اقول لاخويا.. رجلي مره توجعني قال روحي الدكتور... اختكم بالله خرجت وراحت السوق،،، رجعت مررره الم قال لي: روووحي للدكتور وبكرا انا حاخدك بنفسي،،، ورحنا،، مالكم بالطويله بعد الف تحليل واشعه وانواع الدكاتره،،،، واحتارو بالموضوع وانهلكت بالروحه وبالجيه لاني رحت للحبيب ودله عشان اشوف ايش الحكايه..!! وفي النهايه طلعت
جلطة سطحية بالرجل......

جلـــطــــــــــة!!!!!!!!....... الكل انصدم في البيت!! ايش الي يجيب لرجلي جلطه وانا كل يوم امشي...!! الجلطه تجي للي ماتمشي في الحمل ... حتى الدكتوره قالت لي نفس الشي،،، وقالت لي لا تمشي ابدا خلاص ارتااااحي،،، حولتني على دكتور جراحه بس ماعرف ايش القصه،،

بعدها بيومين جا ابو لتين للرياض.... يوم واحد بس .. بعدها ماقدر يتحمل الموضوع - لانه شايفني اتألم - امشي وانا اعرج - وانووااااع التعب-  فــ اخذني للمستشفى قال للدكتوره شوفيلها حلللل الرجل مرررره تعباااانه قالت خلاص نولدك،،، وصارت قصة الولاده ( طبعا دي قصة تااانية)

وبس،،،،،
اخذت ابر السيوله بعد الولاده وكنت اضربها بنفسي كل يوم = (



والحمدلله بعد الولاده  -الي كانت قيصرية - خلال الاسبوع الاول بدأت رجلي تنسم لووول،،، وسرت احسن،، والله لا يعيدها من تجربه ان شالله ،، ويكتب لي الاجر على صبري =)

12 التعليقات:

hebah يقول...

يآ قلبتتي أنتي .. (LLLL)

الحمدلله على سلامتتك واللهي ..

والله يكتبلك الأجر يآرب (L)

الله لا يعيدها .. والحمدلله على سلامتك مرة تانية =)

حنيـــن يقول...

تسلمي هبّو
الله يسلمك ياعسل

ديني كياني يقول...

الله يثيبك =(
ان شاء الله الحين أحسن ..؟؟

حنيـــن يقول...

الحمدلله احسن وعال العال... الابر سوت مفعولها وشويه شويه تحسنت = )
مشكوره

um hadi يقول...

حمدالله على سلامتك ولو انها جت متاخره بس ماشاء الله عليك ان كان عندك عزيمه انك تخلصي فستان بنوتك وطلع خيال
تسلم ايدك ويعطيك العافيه

حنيـــن يقول...

الله يسلمك ياعسل
نورتيني مشكوووره

نجلا يقول...

الحمدلله على سلامتك ,, ماتشوفي شر ,, كله ابتلاء وأجر وعافية ان شاء الله

حنيـــن يقول...

الله يسلمك
صادقه الحمدلله بس

ام ريو يقول...

ماتشوفين شر يالغاليه وعساها اخر الامراض عليك وكل غالي

حنيـــن يقول...

الله يسلمك ياغاليه
وامين يارب

غير معرف يقول...

واو ماشاء الله عليك الله يوفقك ويزيدك من فضله

youssef nasser يقول...

حفظكي الله

اختار تصميم موقعك بما يتناسب مع نشاط شركتك

مع افضل الشركات السعوديةفي تصميم وتطوير المواقع .

www.e-daama.com

www.e-daama.blogspot.com

إرسال تعليق

Related Posts Plugin for WordPress, Blogger...