م

السبت، 22 أكتوبر 2011

اخر أعمالي وأول مفارشي

سلام لكل الي متابعين المدونة

لي فتره طووويلة ماكتبت عارفين رمضان وعيد ودربكة وزحمه

بس ماوقفت شغل كروشيه الحمدلله بس ماهو الشغل السريع يعني بدأت كم مشروع مع بعض وكل فتره اكمل في واحد

اخر اعمالي كان مفرش

بدأته من فتره واروح وارجع له لانه نوعا ما كبير + اول مفرش اسوويه! يعني اخذ مني ووقت ومجهود خصوصا قراءة الباترون لانه ماكان مره كبير وبرضو مو مره صغير بس برضو اخذ مني وقت للتركيز ولا هو اساسا جدااا سهل 


بعد ماخلصته من جدد حسيت بالانجـااااز،، شي حلو صراحة المفارش اول مره يجيني هذا الاحساس ،، وان شالله راح ااشوف لي باترونات ثانيه وابدأ مفارش ثانية لان متعتها لا تنتهي =)



الخيط المستخدم هو DMC Babylo 10
اللون ابيض اكيد

طول المفرش تقريبا متر

مدة العمل ،،، لو جمعتها ممكن تطلع اسبوعين متفرقة..

النتـــيــجة:



وهنا زوم  أكثر
الباترون موجود في مدونة شغل ابره ،، اكيد عارفينها من اشهر المدونات العربية في الكروشية والايتامين


اتمنى يكون عجبكم المفرش قد ماعجبني مع اني حاسه الصور مرررره ظالمته جنب الطبيعه،، 

الأحد، 19 يونيو 2011

اخضر يا اخضر

سلام حبوبات
لي فتره ماكتبت 

والله عندي التهاب حلق له ٥ شهور مااراح شي مزمن يعني!! 
ومخليني ضايق خلقي ٢٤/٧ 
دعواتكم لي

هالتدوينة خفيفه ظريفه


قبل فتره هبقت علي زراعه وقررت ازرع

وبدأت بالملوخيه بس ماتت وبقيت بزور وزرعتها ثااااني الحمدلله

وهذي هي حبيبتي.. اول ماطلعت
حبيتها مره حبيبتي ومبسوطه فيها


 



في نفس الاسبوع رحت اشتريييت ماكينة خياطه من اول نفسي اشتري وحده 
ولاني ما اعرف للخياطه رحت اشتريت وحده متوسطه الخصائص عشان ما احوس
واخترتها من ماركة سنجر 

شوفوها ماي بيبي : ماشالله تبارك الله 
والله يهنيني فيها يارب 


والله انها بنت حلال باين عليها
بس صراحه ماعندي طاوله لسه + وماني عارفه وين احطها!!! 
عاد لين الاقي لها مكان ووقت ان شالله بعدين ابدأ مشاريع!

على سيرة المشااااريع،،،، كان في بالي كثيييير اشياء وبس اشتريتها راحت عن باااااالي :(
مادري هالشي طبيعي ولا لا لووووول



خلال الاسبوع جاتني كمية كوسا كثيييييييره في البيت،،،
وقعدت ادور وصفات ولان اهل البيت ماياكلو محشي قعدت ادور وصفات ثانيه لين طحت على
Zucchini bread... 
وبالعربي ... خبز الكوسا او كيكة الكوسا
وسويتها ،، طولت في الخبز اخذت ساعه وشويه

وهذي النتيجة:

طلعت شي شي شي شي 

لذيييييييييييييييييذة لابعد حد،، الغالب فيها طعم القرفه ومافيها طعم كوسا بس قوامها خطيرررررررررررررر 
وربي انها مره شي لذيذ ،،، 




وهذذذذذي ملوخيتي بعد ما مر اسبووووووع

ماشالله تبارك الله :)

ناويه انقلها للارض بس خايفه عليها مرره حبيبتي انا لووول




ناويه ازرع اشياء ثانيه بس لسه بس انقل ملوخيتي للارض ازرع الباقي ان شالله

ان شالله تكون عجبتكم المدونة
Related Posts Plugin for WordPress, Blogger...